ਪੰਜਾਬੀ ਪਾਲਕ ਪਨੀਰ ਦੀ ਆਸਾਨ ਰੈਸੀਪੀ

ਪੰਜਾਬੀ ਪਾਲਕ ਪਨੀਰ ਕਿਵੇਂ ਬਣਾਇਆ ਜਾਂਦਾ ਹੈ? ਆਸਾਨ ਰੈਸੀਪੀ ਜਾਣੋ   How to make Punjabi Palak Paneer? Learn easy recipe

ਰੈਸਟੋਰੈਂਟ ਸਟਾਈਲ ਪੰਜਾਬੀ ਪਾਲਕ ਪਨੀਰ ਦੀ ਰੈਸੀਪੀ 'ਚ ਪਾਲਕ 'ਚ ਵਿਟਾਮਿਨ ਏ, ਸੀ ਅਤੇ ਈ ਭਰਪੂਰ ਮਾਤਰਾ 'ਚ ਹੁੰਦੇ ਹਨ। ਇਸ 'ਚ ਫੋਲਿਕ ਐਸਿਡ ਵੀ ਹੁੰਦਾ ਹੈ, ਇਸ ਲਈ ਇਹ ਸਿਹਤ ਲਈ ਬਹੁਤ ਜ਼ਿਆਦਾ ਲਾਭਦਾਇਕ ਹੈ। ਸਰਦੀਆਂ ਦੇ ਮੌਸਮ 'ਚ ਹਰੀ ਸਾਗ ਭਾਜੀਆਂ ਖਾਣ ਦਾ ਮਜ਼ਾ ਹੀ ਕੁਝ ਹੋਰ ਹੁੰਦਾ ਹੈ। ਹਰੀ ਸਬਜ਼ੀਆਂ ਜਿੱਥੇ ਖੂਨ ਵਧਾਉਂਦੀਆਂ ਹਨ, ਉੱਥੇ ਇਨ੍ਹਾਂ 'ਚ ਮੌਜੂਦ ਫਾਈਬਰ ਨਾਲ ਖਾਣਾ ਹਜ਼ਮ ਕਰਨ 'ਚ ਵੀ ਆਸਾਨੀ ਹੁੰਦੀ ਹੈ। ਕਈ ਤਰੀਕਿਆਂ ਨਾਲ ਬਣੀ ਪਾਲਕ ਦੀ ਸਬਜ਼ੀ ਤਾਂ ਤੁਸੀਂ ਬਹੁਤ ਖਾਧੀ ਹੋਵੇਗੀ। ਪਰ ਕੀ ਤੁਸੀਂ ਕਦੇ ਪੰਜਾਬੀ ਸਟਾਈਲ 'ਚ ਪਾਲਕ ਪਨੀਰ ਦੀ ਸਬਜ਼ੀ ਖਾਈ ਹੈ? ਇਹ ਖਾਣ 'ਚ ਬਹੁਤ ਸੁਆਦੀ ਹੁੰਦੀ ਹੈ। ਤਾਂ ਆਓ ਇਸ ਆਰਟੀਕਲ ਰਾਹੀਂ ਜਾਣਦੇ ਹਾਂ ਕਿ ਪੰਜਾਬੀ ਸਟਾਈਲ 'ਚ ਪਾਲਕ ਪਨੀਰ ਕਿਵੇਂ ਬਣਾਈ ਜਾਂਦੀ ਹੈ।

ਜ਼ਰੂਰੀ ਸਮੱਗਰੀ   Necessary ingredients

ਪਾਲਕ ਚਾਰ ਕੱਪ ਕੱਟਿਆ ਹੋਇਆ

200 ਗ੍ਰਾਮ ਪਨੀਰ, ਚੌਕੋਰ ਟੁਕੜਿਆਂ 'ਚ ਕੱਟਿਆ ਹੋਇਆ

3 ਚਮਚ ਤੇਲ

1 ਚਮਚ ਅਦਰਕ ਦਾ ਪੇਸਟ

ਨਮਕ ਸੁਆਦ ਅਨੁਸਾਰ

2 ਚਮਚ ਮਲਾਇ

ਪਿਆਜ਼ ਪੇਸਟ ਲਈ  1 ਕੱਪ ਪਿਆਜ਼

¼ ਕੱਪ ਸਲਾਇਸ ਕੀਤੇ ਕਾਜੂ

5 ਹਰੀ ਮਿਰਚ

1 ਚਮਚ ਲਸਣ ਦਾ ਪੇਸਟ

¼ ਕੱਪ ਟਮਾਟਰ, ਬਾਰੀਕ ਕੱਟੇ ਹੋਏ

¼ ਚਮਚ ਕਾਲਾ ਨਮਕ

1 ਚਮਚ ਕਸੂਰੀ ਮੇਥੀ

1 ਚਮਚ ਗਰਮ ਮਸਾਲਾ

1 ਕੱਪ ਪਾਣੀ

ਪੰਜਾਬੀ ਪਾਲਕ ਪਨੀਰ ਬਣਾਉਣ ਦਾ ਤਰੀਕਾ   How to make Punjabi Palak Paneer

ਇੱਕ ਪੈਨ 'ਚ ਬਾਰੀਕ ਕੱਟੇ ਹੋਏ ਪਿਆਜ਼, ਕਾਜੂ, ਹਰੀ ਮਿਰਚ ਅਤੇ 1 ਕੱਪ ਪਾਣੀ ਪਾ ਕੇ 15 ਮਿੰਟ ਤੱਕ ਪਕਾਓ। ਜਦੋਂ ਪਿਆਜ਼ ਨਰਮ ਹੋ ਜਾਣ ਅਤੇ ਪਾਣੀ ਵੀ 80 ਪ੍ਰਤੀਸ਼ਤ ਤੱਕ ਸੁੱਕ ਜਾਵੇ, ਤਾਂ ਇਸਨੂੰ ਠੰਡਾ ਹੋਣ ਲਈ ਰੱਖ ਦਿਓ। ਹੁਣ ਪਾਲਕ ਨੂੰ ਧੋ ਕੇ ਥੋੜ੍ਹੇ ਜਿਹੇ ਪਾਣੀ 'ਚ ਮੱਧਮ ਅੱਗ 'ਤੇ 5 ਮਿੰਟ ਲਈ ਉਬਾਲੋ। ਇਸ ਤੋਂ ਬਾਅਦ ਉਬਲੀ ਹੋਈ ਪਾਲਕ ਨੂੰ ਠੰਡੇ ਪਾਣੀ ਨਾਲ ਧੋ ਲਓ। ਫਿਰ ਪਿਆਜ਼ ਅਤੇ ਹੋਰ ਸਮੱਗਰੀ ਨੂੰ ਚੰਗੀ ਤਰ੍ਹਾਂ ਮਿਕਸਰ 'ਚ ਬਲੈਂਡ ਕਰਕੇ ਇੱਕ ਪਾਸੇ ਰੱਖ ਲਓ। ਹੁਣ ਉਸੇ ਬਲੈਂਡਰ 'ਚ ਪਾਲਕ ਨੂੰ ਵੀ ਪਾਣੀ ਨਾ ਮਿਲਾ ਕੇ ਪੀਸ ਲਓ।

ਹੁਣ ਇੱਕ ਵੱਡੇ ਪੈਨ ਨੂੰ ਗੈਸ 'ਤੇ ਰੱਖ ਕੇ ਉਸ 'ਚ ਤੇਲ ਗਰਮ ਕਰੋ। ਫਿਰ ਉਸ 'ਚ ਅਦਰਕ-ਲਸਣ ਦਾ ਪੇਸਟ ਪਾ ਕੇ 1 ਮਿੰਟ ਲਈ ਹਿਲਾਓ। ਉਸ ਤੋਂ ਬਾਅਦ ਇਸ 'ਚ ਕੱਟੇ ਹੋਏ ਟਮਾਟਰ ਪਾ ਕੇ 2 ਤੋਂ 3 ਮਿੰਟ ਤੱਕ ਪਕਾਓ। ਹੁਣ ਪਿਆਜ਼ ਦਾ ਪੇਸਟ ਪਾ ਕੇ 2 ਮਿੰਟ ਤੱਕ ਪਕਾਓ। ਧਿਆਨ ਰੱਖੋ ਕਿ ਪਿਆਜ਼ ਦਾ ਪੇਸਟ ਭੂਰਾ ਨਾ ਹੋ ਜਾਵੇ। ਫਿਰ ਇਸ 'ਚ ਪਾਲਕ ਦਾ ਪੇਸਟ ਪਾ ਕੇ ਇਸਨੂੰ ਉਬਾਲਣ ਦਿਓ। ਉਸ ਤੋਂ ਬਾਅਦ ਇਸ 'ਚ ਕਾਲਾ ਨਮਕ, ਕਸੂਰੀ ਮੇਥੀ, ਗਰਮ ਮਸਾਲਾ ਅਤੇ ਨਮਕ ਮਿਲਾ ਕੇ ਮਿਕਸ ਕਰੋ।

ਫਿਰ ਇਸ 'ਚ ਪਨੀਰ ਦੇ ਟੁਕੜੇ ਪਾ ਦਿਓ ਅਤੇ ਹਲਕੇ ਹੱਥਾਂ ਨਾਲ ਮਿਲਾਓ। ਜੇ ਚਾਹੋ ਤਾਂ ਪਨੀਰ ਨੂੰ ਵੀ ਹਲਕਾ ਸੈੱਕ ਸਕਦੇ ਹੋ। ਜੇ ਗਰੇਵੀ ਘੱਟ ਹੋ ਜਾਵੇ ਤਾਂ ਉਸ 'ਚ ਥੋੜ੍ਹਾ ਪਾਣੀ ਮਿਲਾਓ ਅਤੇ 2 ਮਿੰਟ ਲਈ ਧੀਮੀ ਅੱਗ 'ਤੇ ਪਕਾਓ। ਫਿਰ ਗੈਸ ਬੰਦ ਕਰਕੇ ਉੱਪਰੋਂ ਮਲਾਇ ਪਾ ਦਿਓ। ਤੁਹਾਡਾ ਪਾਲਕ ਪਨੀਰ ਤਿਆਰ ਹੈ, ਹੁਣ ਤੁਸੀਂ ਇਸਨੂੰ ਸਰਵ ਕਰ ਸਕਦੇ ਹੋ।